ദില്ലി: ഇന്ത്യന്‍ വനിതാ ക്രിക്കറ്റിലെ ഇതിഹാസ താരങ്ങളിലൊരായ പേസ് ബൗളര്‍ ജുലാന്‍ ഗോസ്വാമി ട്വന്റി20യില്‍ നിന്ന് വിരമിക്കല്‍ പ്രഖ്യാപിച്ചു. നിലവില്‍ ലോക ക്രിക്കറ്റിലെ ഏറ്റവും മികച്ച താരങ്ങളുടെ നിരയിലാണ് ജുലാന്റെ സ്ഥാനം. കുട്ടി ക്രിക്കറ്റിനോട് വിട പറഞ്ഞെങ്കിലും ഏകദിനത്തില്‍ കളിക്കുമെന്ന് വെറ്ററന്‍ താരം അറിയിച്ചു.
ഇത്രയും കാലം തനിക്കു എല്ലാവിധത്തിലുള്ള പിന്തുണയും നല്‍കിയ ബി.സി.സി.ഐയോടും ടീമംഗങ്ങള്‍ക്കും നന്ദി അറിയിച്ച ജുലാന്‍ ടി20 ടീമിന് നല്ല ഭാവി ആശംസിക്കുകയും ചെയ്തു. 35കാരിയായ താരം ഇന്ത്യക്കു വേണ്ടി 68 ടി20 മത്സരങ്ങളില്‍ പന്തെറിഞ്ഞിട്ടുണ്ട്. 56 വിക്കറ്റുകളാണ് പേസറുടെ സമ്പാദ്യം.