കോഴിക്കോട്: പാണക്കാട് സയ്യിദ് അബ്ബാസലി ശിഹാബ് തങ്ങള്‍ക്ക് കോഴിക്കോട് ബി.വി ഫൗണ്ടേഷന്റെ ആദരം. രണ്ടു പതിറ്റാണ്ടുകാലം വിദ്യാര്‍ഥി യുവജന വിഭാഗങ്ങള്‍ക്ക് ക്രിയാത്മക നേതൃത്വം വഹിച്ച തങ്ങളുടെ പ്രവര്‍ത്തനം മുന്‍നിര്‍ത്തിയാണ് അദ്ദേഹത്തെ ഫൗണ്ടേഷന്റെ ആറാമത് അവാര്‍ഡ് ദാനത്തിന് തെരഞ്ഞെടുത്തതെന്നും ജനങ്ങള്‍ക്കിടയില്‍ സ്‌നേഹവും സൗഹാര്‍ദവും ഊട്ടിഉറപ്പിക്കുന്നതില്‍ തങ്ങളുടെ പങ്ക് നിസ്തുലമാണെന്നും ഭാരവാഹികള്‍ പറഞ്ഞു. 30ന് നാലിന് അസ്മ ടവറില്‍ നടക്കുന്ന ചടങ്ങില്‍ പ്രതിപക്ഷ നേതാവ് രമേശ് ചെന്നിത്തല, പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി, എം.പിമാരായ ഇ.ടി മുഹമ്മദ് ബഷീര്‍ , എം.പി വീരേന്ദ്രകുമാര്‍ ,എം.കെ രാഘവന്‍ സംബന്ധിക്കും.