പള്ളിക്കല്‍: കാലിക്കറ്റ് സര്‍വകലാശാലാ വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ ഇക്കുറി വോട്ട് ചെയ്യാനെത്തിയത് കന്നി വോട്ടറായ മകള്‍ ഹനൂന മിന്നുവിനൊപ്പം. പഠിച്ച സ്‌കൂളായ പുത്തൂര്‍ പള്ളിക്കല്‍ എ.എം.യു.പി സ്‌കൂളിലെ 36-ാം നമ്പര്‍ ബൂത്തില്‍ രാവിലെ 9.45 ഓടെ എത്തിയ വൈസ് ചാന്‍സലര്‍ നീണ്ട വരിയില്‍ കാത്തിരുന്ന ശേഷമാണ് വോട്ട് രേഖപ്പെടുത്തിയത്. വരിയില്‍ കാത്തു നില്‍ക്കാതെ വോട്ട് ചെയ്യാന്‍ അദ്ദേഹത്തിന്റെ മുന്നിലായി വരിയിലുണ്ടായിരുന്നവരും നാട്ടുകാരും ഏറെ നിര്‍ബന്ധിച്ചെങ്കിലും അദ്ദേഹം അതിന് തയ്യാറായില്ല.