ഏതന്‍സ്: മാഞ്ചസ്റ്റര്‍ യുണൈറ്റഡ് ക്യാപ്റ്റന്‍ ഹാരി മഗ്വയര്‍ ജയില്‍ മോചിതനായി. ഇന്നലെ കോടതിയില്‍ ഹാജരായ മഗ്വയര്‍ തെറ്റൊന്നും ചെയ്തതായി തെളിയാത്തതിനെ തുടര്‍ന്നാണ് താരത്തെ ജയില്‍ മോചിതനാക്കിയത്. ഇതോടെ താരത്തിന് ഇംഗ്ല@ണ്ടിലേക്ക് മടങ്ങാമെന്ന് ഗ്രീസ് കോടതി വിധിച്ചു. അന്വേഷണം പൂര്‍ത്തിയാകുന്നത് വരെ മഗ്വയറിന്റെ വക്കീല്‍ കോടതിയില്‍ ഹാജറാകേണ്ടി വരും. അവസാന രണ്ട@് ദിവസമായി മഗ്വയര്‍ ജയിലില്‍ കഴിയുകയായിരുന്നു. മഗ്വയറും സുഹൃത്തുക്കളും ചേര്‍ന്ന് പൊലിസിനേയും മറ്റു സര്‍ക്കാര്‍ ഉദ്യോഗസ്ഥരേയും അക്രമിച്ചു എന്നായിരുന്നു കേസ്. ഗ്രീസില്‍ അവധി ആഘോഷിക്കാന്‍ പോയതിനിടയിലാണ് ഇംഗ്ലീഷ് പ്രതിരോധനിരക്കാരന്‍ അറസ്റ്റിലായത്. ഗ്രീസിലെ നഗരമായ മൗകോനോസില്‍ ബാറിന് പുറത്ത് നടന്ന സംഘര്‍ഷത്തിന്റെ പേരിലാണ് മഗ്വയര്‍ അറസ്റ്റിലായത്.