റിയാദ്: സഊദിയിൽ സ്വകാര്യ മേഖലയിൽ എഞ്ചിനീയറിങ് ജോലിയിലും സഊദി വത്കരണം പ്രഖ്യാപിച്ചു. ഈ മേഖലയിൽ ഇരുപത് ശതമാനം സ്വദേശികളെ നിയമിക്കണമെന്ന വിജ്ഞാപനത്തിൽ സഊദി മാനവശേഷി സാമൂഹിക ക്ഷേമ മന്ത്രി അഹമദ് അല്‍റാജ്ഹി ഒപ്പുവെച്ചു. വി​വി​ധ ഗ​വ​ൺ​മെൻറ്​ വ​കു​പ്പു​ക​ളു​ടെ പ​ങ്കാ​ളി​ത്ത​​ത്തി​ലും സ​ഹ​ക​ര​ണ​ത്തി​ലും മ​ന്ത്രാ​ല​യം ന​ട​പ്പാ​ക്കി​വ​രു​ന്ന സ്വ​ദേ​ശി​വ​ത്​​ക​ര​ണ പ്ര​ക്രി​യ​ക​ളു​ടെ തു​ട​ർ​ച്ച​യാ​ണ്​ പു​തി​യ തീ​രു​മാ​നം. എഞ്ചിനീയറിങ് പ്രൊഫഷനുകളില്‍ അഞ്ചോ അതിലധികമോ തൊഴിലാളികള്‍ ജോലി ചെയ്യുന്ന സ്ഥാപനങ്ങൾക്ക് പുതിയ തീരുമാനം ബാധകമാണ്. നിരവധി സഊദി വിദ്യാര്‍ഥികള്‍ എഞ്ചിനീയറിങ് കോഴ്‌സുകള്‍ കഴിഞ്ഞ് പുറത്തിറങ്ങാനിരിക്കുകയാണെന്നും അവര്‍ക്കാവശ്യമായ തൊഴിലവസരങ്ങള്‍ ഉണ്ടാക്കുകയാണ് ലക്ഷ്യമെന്നും മന്ത്രി വ്യക്തമാക്കി. നിലവിൽ 5500 സഊദിഎഞ്ചിനീയർമാർ തൊഴിൽ അന്വേഷിക്കുകയാണെന്നാണ് കണക്കുകൾ.

     സ്വ​കാ​ര്യ സ്ഥാ​പ​ന​ങ്ങ​ളി​ലെ എഞ്ചിനീയറിങ് ജോ​ലി​ക​ൾ 20 ശ​ത​മാ​നം സ്വ​ദേ​ശി​വ​ത്​​ക​രി​ക്കാ​നു​ള്ള തീ​രു​മാ​നം മു​ഖേ​ന സ്വ​ദേ​ശി​ക​ൾ​ക്ക്​ 7000 ത്തി​ല​ധി​കം തൊ​ഴി​ല​വ​സ​ര​ങ്ങ​ൾ ഉ​ണ്ടാ​കു​മെ​ന്ന്​ മാ​ന​വ വി​ഭ​വ​ശേ​ഷി മ​ന്ത്രാ​ല​യം വെ​ളി​പ്പെ​ടു​ത്തി. ഇങ്ങനെ നിയമിക്കുന്ന സഊദി എഞ്ചീനീയര്‍മാര്‍ക്ക് ഏഴായിരം റിയാല്‍ ആണ് കുറഞ്ഞ ശമ്പളം നല്‍കേണ്ടത്. ആ​ദ്യ​ഘ​ട്ട​ത്തി​ൽ വി​വി​ധ സ്വ​കാ​ര്യ സ്ഥാ​പ​ന​ങ്ങ​ളി​ലെ സു​പ്ര​ധാ​ന എഞ്ചിനീയറിങ് ജോ​ലി​ക​ളി​ലാ​ണ്​ തീ​രു​മാ​നം ന​ട​പ്പാ​ക്കു​ക. സ്വ​ദേ​ശി​ക​ൾ​ക്ക്​ എഞ്ചിനീയറിങ് രം​ഗ​ത്തെ സു​പ്ര​ധാ​ന മേ​ഖ​ല​ക​ളി​ൽ തൊ​ഴി​ല​വ​സ​ര​ങ്ങ​ൾ നേ​ടാ​ൻ സാ​ധി​ക്കന്ന​തോ​ടൊ​പ്പം ഈ മേഖലയിൽ തൊഴിലെടുക്കുന്ന നി​ര​വ​ധി വി​ദേ​ശി​കൾക്ക് തൊഴിൽ നഷ്‌ടമാകുകയും ചെയ്യും.

     ഇലക്ട്രിക്കൽ എഞ്ചിനീയർ, അഗ്രികൾച്ചറൽ എഞ്ചിനീയർ, സിവിൽ എഞ്ചിനീയർ, ജിയോളജിക്കൽ എഞ്ചിനീയർ, ഏവിയേഷൻ എഞ്ചിനീയർ, ഓയിൽ എഞ്ചിനീയർ, മൈൻസ് എഞ്ചിനീയർ, മിലിറ്ററി എയർ ക്രാഫ്റ്റ് എഞ്ചിനീയർ, മറ്റു സ്പെഷ്യൽ വിഭാഗങ്ങൾ എന്നിവയാണു പ്രധാനമായും സഊദി വൽക്കരണത്തിൽ ലക്ഷ്യമാക്കുന്നത്. മാനവ വിഭവശേഷി മന്ത്രാലയത്തിലെ സഊദിവത്കരണ വിഭാഗമാണ് ഇക്കാര്യം അറിയിച്ചത്.