ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ കഴിഞ്ഞ ദിവസം ബേണ്‍ലിക്കെതിരെയുള്ള മത്സരത്തിന്റെ അവസാന ഘട്ടത്തില്‍ നടന്ന സംഭവ വികാസങ്ങളുമായി ബന്ധപ്പെട്ട് ചെല്‍സി പരിശീലകന്‍ മൗറിസിയോ സാരിക്കെതിരേ കുറ്റപത്രം സമര്‍പ്പിച്ചു. ഇംഗ്ലീഷ് ഫുട്‌ബോള്‍ അസോസിയേഷനാണ് സാരി മത്സരത്തിനിടെ മോശം പെരുമാറ്റം നടത്തിയെന്ന് കണ്ടെത്തി കുറ്റപത്രം സമര്‍പ്പിച്ചത്. വെള്ളിയാഴ്ചക്കുള്ളില്‍ തൃപ്തികരമായ മറുപടി നല്‍കണമെന്നും ഇംഗ്ലീഷ് ഫുട്‌ബോള്‍ അസോസിയേഷന്‍ നിര്‍ദേശിച്ചിട്ടുണ്ട്. അല്ലെങ്കില്‍ നടപടി നേരിടേണ്ടി വരുമെന്നും മുന്നറിയിപ്പ് നല്‍കി.

മത്സരത്തിന്റെ ഇഞ്ചുറി ടൈമില്‍ ഉ@ണ്ടായ സംഭവ വികാസങ്ങളുമായി ബന്ധപ്പെട്ട് റഫറി സാരിയെ ഗാലറിയിലേക്ക് പറഞ്ഞയക്കുകയും ചെയ്തിരുന്നു. മത്സര ശേഷവും ചെല്‍സി താരങ്ങളും ബേണ്‍ലി കോച്ചിങ് സ്റ്റാഫുകളും തമ്മില്‍ വാക്കുതര്‍ക്കത്തില്‍ ഏര്‍പ്പെടുകയും ചെയ്തിരുന്നു.
മത്സരത്തിനിടെ ചെല്‍സി പരിശീലകനെതിരേ മോശം പരാമര്‍ശം നടത്തിയെന്ന പേരില്‍ ചെല്‍സി ബേണ്‍ലിക്കെതിരേയും പരാതിയും നല്‍കിയിട്ടു@ണ്ട്. മത്സരത്തില്‍ ചെല്‍സി ബേണ്‍ലിയോട് 2-2 എന്ന സ്‌കോറിന് സമനില വഴങ്ങിയിരുന്നു.
പ്രീമിയര്‍ ലീഗ് പോയിന്റ് പട്ടികയില്‍ മൂന്നാം സ്ഥാനത്ത് എത്താനുള്ള സുവര്‍ണാവസരമാണ് ഇതോടെ ചെല്‍സിക്ക് നഷ്ടമായത്.