ഡൽഹി: ഇറാൻ- ഇസ്രാഈൽ സംഘർഷത്തിന്റെ സ്ഥിതി വിലയിരുത്തി വിദേശകാര്യമന്ത്രാലയം. ഒമാൻ വിദേശകാര്യ മന്ത്രിയുമായി കേന്ദ്രമന്ത്രി എസ്. ജയശങ്കർ ഫോണിൽ വിളിച്ചു സംസാരിച്ചു. ഇന്ത്യക്കാരുടെ സുരക്ഷയും ചർച്ച ചെയ്യപ്പെട്ടു. 

അതേസമയം ആയത്തുല്ല അലി ഖാംനഈയുടെ കൊലപാതകത്തിൽ രാജ്യത്തിൽ പ്രതിഷേധം നടന്നുകൊണ്ടിരിക്കുകയാണ്. ലഖ്നൗ, ഡൽഹി, ലഡാക്ക്, കശ്മീർ തുടങ്ങിയ നഗരങ്ങളിൽ ഷിയ വിഭാഗം പ്രതിഷേധം നടത്തുകയാണ്.

ALSO READ: In Depth Story - എണ്ണയും സ്വര്‍ണ്ണവും കുതിക്കുന്നു; ഖാംനഈക്ക് ശേഷമുള്ള ഇറാന്‍ ആഗോള വിപണിയെ എങ്ങനെ ബാധിക്കും?

ഇറാൻ എംബസിക്ക് മുന്നിൽ രാത്രി മെഴുകുതിരി മാർച്ച്‌ നടത്തുകയും ചെയ്തിരുന്നു. ഖാംനഈയെ ലക്ഷ്യം വെച്ചുള്ള സൈനിക ആക്രമണത്തെ കോൺഗ്രസ് അപലപിക്കുകയും ചെയ്തു. ഒരു പരമാധികാര രാഷ്ട്രത്തെ അട്ടിമറിക്കുന്നത് ഐക്യരാഷ്ട്രസഭ ചാർട്ടറിന്റെ ലംഘനമാണെന്നും ഓരോ രാജ്യത്തിന്റെയും രാഷ്ട്രീയ ഭാവി തീരുമാനിക്കാനുള്ള അവകാശം അതാത് രാജ്യങ്ങളിലെ പൗരന്മാർക്ക് മാത്രമാണ് ഉള്ളതെന്നും കോൺഗ്രസ് വ്യക്തമാക്കി.