വെഞ്ഞാറമൂട്: കമ്മ്യൂണിറ്റി റെസ്‌ക്യൂ വളന്റിയര്‍ പദ്ധതിയുടെ ഭാഗമായി വെഞ്ഞാറമൂട് അഗ്നിശമനസേന ആനാകുടി നെടുംപറമ്പ് ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് അംഗങ്ങള്‍ക്ക് പരിശീലനം നല്‍കി.
തീപിടിത്തമുണ്ടാകുമ്പോള്‍ കെട്ടിടങ്ങളില്‍ സ്ഥാപിച്ചിട്ടുള്ള ഹൈഡ്രന്റുകളില്‍നിന്നും വെള്ളംചീറ്റി തീ കെടുത്തുന്നത് മുതല്‍ ഗ്യാസ് ലീക്കായി സിലിണ്ടറിനു തീ പിടിത്തമുണ്ടായാല്‍ കെടുത്തുന്നത് വരെയുള്ള മാര്‍ഗങ്ങളിലായിരുന്നു പരിശീലനം.
ഗ്രേഡ് അസിസ്റ്റന്റ് സ്റ്റേഷന്‍ ഓഫിസര്‍ ജെ. രാജേന്ദ്രന്‍ നായര്‍ ക്ലാസ് നയിച്ചു.
ഫയര്‍മാന്‍മാരായ അജയ്കുമാര്‍, ശിവകുമാര്‍, അരവിന്ദ് എസ്. കുമാര്‍, സതീശന്‍ നേതൃത്വം നല്‍കി.