മാന്നാര്‍: മാന്നാര്‍ ലയണ്‍സ് ക്ലബ്ബിന്റെ 100 ാം വാര്‍ഷികത്തിന്റെ ഭാഗമായി സൗജന്യ ഉച്ച ഭക്ഷണ കൗണ്ടര്‍ നാളെ 12 ന് കെ.കെ രാമചന്ദ്രന്‍ നായര്‍ എം.എല്‍.എ ഉദ്ഘാടനം ചെയ്യും. പരുമല കടവിലാണ് സാധുക്കളുടെ വിശപ്പടക്കാന്‍ ഒരുനേരത്തെ ഭക്ഷണം സ്ഥിരമായും സൗജന്യമായി നല്‍കുന്നത്.  നാട്ടിലെ എല്ലാ സന്നദ്ധ സംഘടനകളും വിദ്യാഭ്യസ സ്ഥാപനങ്ങളേയും കച്ചവട സ്ഥാപനങ്ങളേയും സര്‍ക്കാര്‍ ഓഫീസുകളേയും മറ്റെല്ലാ എന്‍.ജി.ഒ കളേയും ഈ പദ്ധതിയുമായി ബന്ധപ്പെടുത്തിക്കൊണ്ട് ഭക്ഷണപ്പൊതി ദാനം ചെയ്യുവാന്‍ പ്രേരിപ്പിക്കുക. ഇതിലേക്കായ് സാമ്പത്തിക സഹായമൊന്നും സ്വീകരിക്കുകയില്ല. വാര്‍ത്താ സമ്മേളനത്തില്‍ സീനിയര്‍ പ്രൊജക്റ്റ് കോ ഓര്‍ഡിനേറ്റര്‍ ആര്‍. വെങ്കിടാചലം, എസ്.ജയകുമാര്‍, പ്രസിഡന്റ് കെ.ജി.പുരിഷോത്തമന്‍, എസ്.സുരേഷ്ബാബു, പി.ആര്‍.ഒ സതീഷ് ശാന്തി നിവാസ് എന്നിവര്‍ പങ്കെടുത്തു.