മലപ്പുറം: ലോക്‌സഭാ തെരഞ്ഞെടുപ്പില്‍ മലപ്പുറം മണ്ഡലത്തില്‍ 75.37 ശതമാനവും പൊന്നാനി മണ്ഡലത്തില്‍ 74.98 ശതമാനവും പോളിങ് രേഖപ്പെടുത്തി.
മലപ്പുറം ലോക്‌സഭാ മണ്ഡലത്തില്‍ ഏറ്റവും കൂടുതല്‍ പോളിങ് രേഖപ്പെടുത്തിയത് കൊണ്ടോട്ടി നിയോജക മണ്ഡലത്തിലാണ്, 78.11 ശതമാനം.
ഏറ്റവും കുറവ് പോളിങ് രേഖപ്പെടുത്തിയത് വേങ്ങര മണ്ഡലത്തിലാണ്. 71.88 ശതമാനം.
പൊന്നാനി മണ്ഡലത്തില്‍ ഏറ്റവും കൂടുതല്‍ പോളിങ് നടന്നത് താനൂര്‍ മണ്ഡലത്തിലാണ്. 77 ശതമാനം പോളിങാണ് ഇവിടെ രേഖപ്പെടുത്തിയിരിക്കുന്നത്. ഏറ്റവും കുറവ് പോളിങ് നടന്നിരിക്കുന്നത് പൊന്നാനി നിയോജക മണ്ഡലത്തിലാണ്.  71.86 ശതമാനം മാത്രമാണ് പൊന്നാനി മണ്ഡലത്തില്‍ രേഖപ്പെടുത്തിയിട്ടുള്ളത്.