കാഞ്ഞങ്ങാട്: 'മഡെ മഡെ സ്‌നാന' കാസര്‍കോടിന്റെ ചരിത്രത്തെ ധീരമായി അടയാളപ്പെടുത്തിയ പുസ്തകമാണെന്ന് എഴുത്തുകാരന്‍ അംബികാസുതന്‍ മാങ്ങാട്. രവീന്ദ്രന്‍ രാവണീശ്വരത്തിന്റെ ' മഡെ മഡെ സ്‌നാന ' എന്ന പുസ്തകം കാഞ്ഞങ്ങാട് വ്യാപാരഭവനില്‍ പ്രകാശനം ചെയ്തു സംസാരിക്കുകയായിരുന്നു അദ്ദേഹം. പ്രസ് ക്ലബ് പ്രസിഡന്റ് ടി.എ ഷാഫി അധ്യക്ഷനായിരുന്നു. നിരൂപകന്‍ ഇ.പി രാജഗോപാലന്‍ പുസ്തകം പരിചയപ്പെടുത്തി. സി.പി.എം സംസ്ഥാന കമ്മിറ്റിയംഗം കെ.പി സതീഷ് ചന്ദ്രന്‍ പുസ്തകം ഏറ്റുവാങ്ങി.
ഡോ. സി. ബാലന്‍, കെ.വി കൃഷ്ണന്‍, എ. ഹമീദ് ഹാജി, പ്രസ് ഫോറം പ്രസിഡന്റ് ഇ.വി ജയകൃഷ്ണന്‍, സുകുമാരന്‍ പൂച്ചക്കാട്, ബഷീര്‍ ആറങ്ങാടി, ജയന്‍ മാങ്ങാട്, മാനുവല്‍ കുറിച്ചിത്താനം, എ.വി രാമകൃഷ്ണന്‍, സി.പി.ഐ ജില്ലാ സെക്രട്ടറി അഡ്വ. ഗോവിന്ദന്‍ പള്ളിക്കാപ്പില്‍, പ്രസ്‌ഫോറം സെക്രട്ടറി ടി.കെ നാരായണന്‍, രവീന്ദ്രന്‍ രാവണീശ്വരം എന്നിവര്‍ സംസാരിച്ചു.