വടക്കാഞ്ചേരി(തൃശൂര്‍): ലൈഫ് മിഷന്‍ ഫ്‌ളാറ്റ് സമുച്ചയം ലോകത്തെ ഏറ്റവും വലിയ അഴിമതിയുടെ പ്രതീകമാണെന്നും ഈ ഫ്‌ളാറ്റിന് അഴിമതി ഭവന്‍ എന്നു പേരിടണമെന്നും മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി.
ഫ്‌ളാറ്റില്‍ മന്ത്രി മൊയ്തീന്‍ കോടികളുടെ അഴിമതി നടത്തിയപ്പോള്‍ മറ്റൊരു മന്ത്രി വിദേശത്തുനിന്ന് വിശുദ്ധ ഖുര്‍ആന്റെ പേരില്‍ നിരവധി പെട്ടികള്‍ കടത്തിക്കൊണ്ടുവന്നു. വടക്കാഞ്ചേരി ലൈഫ് മിഷന്‍ ഫ്‌ളാറ്റ് നിര്‍മാണ തട്ടിപ്പ് സി.ബി.ഐ അന്വേഷിക്കണമെന്ന് ആവശ്യപ്പെട്ട് കോണ്‍ഗ്രസ് ജില്ലാ കമ്മറ്റിയുടെ നേതൃത്വത്തില്‍ വടക്കാഞ്ചേരിയില്‍ നടന്ന സത്യഗ്രഹ സമരത്തിന്റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു കുഞ്ഞാലിക്കുട്ടി .