ചവറ: ഓട്ടം പോയതിന്റെ പണം ചോദിച്ചതിന്റെ പേരില്‍ സംഘം ചേര്‍ന്ന് ഓട്ടോ ഡ്രൈവറെ മര്‍ദിച്ചതായി പരാതി. ചവറ തെക്കുംഭാഗം മാലി ഭാഗത്ത് മുക്കോടി വിള ഇറക്കത്ത് വീട്ടില്‍ സുനില്‍ലാലിനെയാണ് (28) മര്‍ദിച്ചുവെന്ന് കാണിച്ച് ചവറ തെക്കുംഭാഗം പൊലിസ് സ്റ്റേഷനില്‍ പരാതി നല്‍കിയത്.
തേരുവിള മുക്കില്‍ ഓട്ടോയുമായി കിടക്കുമ്പോള്‍ തെരഞ്ഞെടുപ്പ് ദിവസം ഓട്ടം പോയതിന്റെ ബാക്കി പണം ചോദിച്ചപ്പോല്‍ തന്നെ ആസഭ്യം പറഞ്ഞ് ബലമായി പിടിച്ച് മദ്യം വായില്‍ ഒഴിച്ചതിന്‌ശേഷം ക്രൂരമായി മര്‍ദിക്കുകയായിരുന്നുവെന്നും മാരകായുധം ഉപയോഗിച്ച് വെട്ടാന്‍ വരുന്നതിനിടയില്‍ ഓടി രക്ഷപ്പെടുകയുമായിരുന്നുവെന്നും പൊലിസിന് നല്‍കിയ പരാതിയില്‍ പറയുന്നു.
കണ്ടാലറിയാവുന്ന രണ്ട് പേര്‍ക്കെതിരേയാണ് പരാതി നല്‍കിയിരിക്കുന്നത്.