തിരുവമ്പാടി: കഴിഞ്ഞ മഴയത്ത് മണ്ണൊലിച്ചതു കാരണം ഇളക്കം തട്ടിയ പാറ നാട്ടുകാരുടെ ഉറക്കം കെടുത്തുന്നു.
തിരുവമ്പാടി പഞ്ചായത്ത് ഓഫീസിനു സമീപം പാതിരമണ്ണ് പാണ്ടിക്കോട്ടുമ്മലില്‍ സ്വകാര്യ വ്യക്തികളുടെ സ്ഥലത്തുള്ള മൂന്നു വലിയ പാറകളാണ് ഇളക്കം തട്ടിയതും ഭീതിയുയര്‍ത്തുന്നതും. ഇതിനു താഴെ ആറോളം വീടുകളുണ്ട്. ഏത് നിമിഷവും താഴേക്ക് പതിക്കാറായിരിക്കുന്ന പാറക്ക് ഒടുവില്‍ നാട്ടുകാര്‍ കയറിട്ട് കെട്ടിയിരിക്കുകയാണ്. വന്‍ ദുരന്തമായിരിക്കും പാറ താഴേക്ക് വന്നാല്‍ സംഭവിക്കുക.
വിഷയത്തില്‍ അധികൃതരുടെ ശ്രദ്ധ ഉടന്‍ പതിയണമെന്നാണ് നാട്ടുകാരുടെ ആവശ്യം.