ദമാം: പ്രളയത്തില്‍ ദുരിതാശ്വാസ പ്രവര്‍ത്തനം നടത്തി ശ്രദ്ധേയരായ കടലിന്റെ മക്കള്‍ക്ക് കൈത്താങ്ങുമായി ഇറാം ഗ്രുപ്പ്. മത്സ്യത്തൊഴിലാളികളുടെ മക്കള്‍ക്കും ബന്ധുക്കള്‍ക്കും ഇറാം ഗ്രൂപ്പിനു കീഴിലുള്ള സ്‌കില്‍ഡ് അക്കാദമിയില്‍ സൗജന്യ പരിശീലനം നല്‍കുന്നു. ഗ്രൂപ്പ് ചെയര്‍മാനും മാനേജിങ് ഡയരക്ടറുമായ ഡോ. സിദ്ദീഖ് അഹമ്മദാണ് ഇക്കാര്യം അറിയിച്ചത്.
ഗ്രൂപ്പ് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരണ്ടു കോടി രൂപ സംഭാവന നല്‍കുകയും ചെയ്തിട്ടുണ്ടണ്ട്. സ്വന്തം ജീവന്‍ പോലും പണയപ്പെടുത്തി വള്ളങ്ങളുമായി രക്ഷാപ്രവര്‍ത്തനങ്ങളില്‍ ഏര്‍പ്പെട്ട ഇവരെ മെഡല്‍ നല്‍കി ഇറാം ഗ്രൂപ്പ് ആദരിക്കുമെന്നും മുഖ്യമന്ത്രിക്കു നല്‍കിയ കത്തില്‍ എം.ഡി വ്യക്തമാക്കി.