പൊന്‍കുന്നം: ചിറക്കടവ് സ്വദേശി രതീഷ് മോഹനന്റെ ബൈക്ക് പെട്രോള്‍ ഉപയോഗിച്ചു കത്തിച്ച കേസിലെ പ്രതി പൊലിസ് പിടിയില്‍. തെക്കേത്തുകവല ഇളംപുരയിടത്തില്‍ ഗോപാലകൃഷ്ണന്റെ മകന്‍ ജയേഷ് (36) നെയാണ് പൊന്‍കുന്നം എസ്.ഐ കെ.ഒ സന്തോഷ് കുമാറിന്റെ നേതൃത്വത്തിലുള്ള സംഘം പിടികൂടിയത്.
ബൈക്ക് കത്തിച്ചത് ജയേഷാണെന്നുള്ള രതീഷിന്റെ സംശയത്തിന്മേല്‍ നടത്തിയ ചോദ്യം ചെയ്യലില്‍ പ്രതി കുറ്റം സമ്മതിക്കുകയായിരുന്നു.ജയേഷിന്റെ മൊഴിയുടെ അടിസ്ഥാനത്തില്‍ ബൈക്ക് കത്തിക്കാനായി ഉപയോഗിച്ച പെട്രോള്‍ സൂക്ഷിച്ചിരുന്ന കുപ്പി കണ്ടെത്തുന്നതിനായി ഇയാളുടെ ഓട്ടോറിക്ഷയില്‍ നടത്തിയ തെളിവെടുപ്പിനിടയില്‍ പെട്രോള്‍ സൂക്ഷിച്ചിരുന്ന കുപ്പിയും 103 -ഗ്രാം കഞ്ചാവും ഓട്ടോറിക്ഷയില്‍ നിന്നും കണ്ടെത്തുകയും, കഞ്ചാവ് ഇയാള്‍ കുട്ടികള്‍ക്കും മറ്റും വില്‍പ്പനക്കായി സൂക്ഷച്ചിരുന്നതായി സമ്മതിക്കുകയുമുണ്ടായി. ഇയാള്‍ക്കെതിരെ ബൈക്ക് കത്തിച്ച കേസു കൂടാതെ വില്‍പ്പനക്കായി കഞ്ചാവ് സൂക്ഷിച്ചതിന് എന്‍.ഡി.പി.എസ് , ജെ.ജെ ആക്ട് പ്രകാരവും കേസ് രജിസ്റ്റര്‍ ചെയ്തു.