കോടഞ്ചേരി: കള്ളാടിക്കാവ് കടവില്‍ വെഞ്ചേരി പുഴയില്‍ മാലിന്യം തള്ളാനെത്തിയ കണ്ടെയ്‌നര്‍ ലോറി നാട്ടുകാര്‍ ചേര്‍ന്ന് തടഞ്ഞു.
തിങ്കളാഴ്ച രാത്രിയിലായിരുന്നു സംഭവം. പുഴയുടെ സമീപത്തേക്ക് വാഹനം അടുപ്പിക്കാന്‍ ശ്രമിക്കുന്നതിനിടെ വാഹനം ചളിയില്‍ താഴുകയായിരുന്നു. ഇന്നലെ രാവിലേ ജെ.സി.ബി ഉപയോഗിച്ച് വാഹനം തള്ളി നീക്കാന്‍ ശ്രമിക്കുന്നതിനിടെ നാട്ടുകാര്‍ വാഹനം തടയുകയായിരുന്നു. കോഴിക്കോട് കോര്‍പറേഷന്‍ കഴിഞ്ഞദിവസം പിടികൂടി 25000 രൂപ ഫൈന്‍ അടപ്പിച്ച് തിരിച്ചുവിട്ട മാലിന്യമാണിത്. കിലോക്ക് പത്തുരൂപ പ്രകാരം മാലിന്യം നീക്കുന്നതിന് കരാറെടുത്ത് കൊണ്ടുപോകുന്ന മലപ്പുറം കൊണ്ടോട്ടിയില്‍ നിന്നുള്ളവരാണ് ഇതിന്റെ പിന്നിലുള്ളത്. പത്ത് ടെന്നോളം മാലിന്യമാണ് വാഹനത്തിലുണ്ടായിരുന്നത്. വാഹനം പൊലിസ് കസ്റ്റഡിയിലെടുത്തു. ആരോഗ്യ വകുപ്പ് ഉദ്യോഗസ്ഥരും സ്ഥലത്തെത്തി.