ഹൈദരാബാദ്: പട്ടികളെ  കത്തിച്ച സംഭവത്തില്‍ എട്ടു കൗമാരപ്രായക്കാരെ പൊലിസ് അറസ്റ്റു ചെയ്തു. മൂന്നു പട്ടിക്കുട്ടികളെ ഒരു കൂട്ടം വിദ്യാര്‍ഥികള്‍ കെട്ടിവലിച്ചു കൊണ്ടുവന്ന് ഹൈദരാബാദിലെ വിജനമായ ഒരു സ്ഥലത്തിട്ട് വിറകുകൊള്ളികള്‍ കൊണ്ടുമൂടി തീ കത്തിക്കുന്ന ദൃശ്യങ്ങള്‍ കഴിഞ്ഞ ദിവസം പുറത്തു വന്നിരുന്നു. സംഭവത്തില്‍ 18  വയസിനു താഴെയുള്ളവരാണ് അറസ്റ്റിലായത്.

ദൃശ്യങ്ങള്‍ വൈറലായതോടെയാണ് പ്രതിഷേധവും പരാതിയും ഉയര്‍ന്നത്. ഹ്യൂമന്‍ സൊസൈറ്റി ഇന്റര്‍നാഷണല്‍, പീപ്പിള്‍സ് ഫോര്‍ എനിമല്‍സ് തുടങ്ങിയ സംഘടനകള്‍ പൊലിസില്‍ പരാതി നല്‍കുകയായിരുന്നു.  തുടര്‍ന്നാണ് നടപടി.