മലപ്പുറം: സമസ്ത ദുരിതാശ്വാസ പുനരധിവാസ നിധിയിലേക്ക് വണ്ടൂര്‍ മണ്ഡലത്തിലെ വിവിധ മഹല്ലുകളില്‍ നിന്ന് സമാഹരിച്ച മൂന്നു ലക്ഷത്തി അന്‍പത്തി ഒന്‍പതിനായിരം രൂപ കൈമാറി. സുന്നീ സെന്ററില്‍ വെച്ച് നടന്ന ചടങ്ങില്‍ സമസ്ത കേന്ദ്ര മുശാവറ അംഗം മൊയ്തീന്‍ കുട്ടി ഫൈസി വാക്കോടിന് എസ്.വൈ.എസ് വണ്ടൂര്‍ മണ്ഡലം പ്രസിഡന്റ് സി.അബ്ദുല്ല മൗലവി, ട്രഷറര്‍ മോയിക്കല്‍ ഇണ്ണി ഹാജി.സെക്രട്ടറി ഫരീദ് റഹ്മാനി കാളികാവ് എന്നിവര്‍ ചേര്‍ന്നാണ് തുക കൈമാറിയത്.
മികച്ച രീതിയില്‍ ഫണ്ട് സമാഹരണം നടത്തിയ എറിയാട് മഹല്ലിനെ അനുമോദിക്കുകയും ദുരിതാശ്വാസ പ്രവര്‍ത്തകര്‍ക്കു വേണ്ടി പ്രത്യേക പ്രാര്‍ഥന നടത്തുകയും ചെയ്തു.
സമസ്ത മലപ്പുറം ജില്ലാ വര്‍ക്കിംഗ് സെക്രട്ടറി പുത്തനഴി മൊയ്തീന്‍ ഫൈസി മുഖ്യ പ്രഭാഷണം നടത്തി.അബ്ദുല്‍ ലത്തീഫ് ദാരിമി ഏമങ്ങാട്, അബ്ദുല്‍ ഹകീം ലത്തീഫി എറിയാട്, ഇബ്രാഹീം ഹാജി വണ്ടൂര്‍, ശംസുദ്ധീന്‍ ഫൈസി തിരുവാലി, മച്ചിങ്ങല്‍ കുഞ്ഞുമുഹമ്മദ് ഹാജി, ശിഹാബ് ഫൈസി കൂരാട് ,അബൂബക്കര്‍ അടക്കാകുണ്ട്, അബ്ദുറസാഖ് ഹാജി എറിയാട്, അബ്ദുല്‍ ജബ്ബാര്‍ പത്തിരിയാല്‍ ,അക്ബര്‍ മമ്പാട് സംസാരിച്ചു.