ന്യൂഡല്‍ഹി: ശ്രീലങ്കയില്‍ ക്രിസ്ത്യന്‍ പള്ളികളിലും പഞ്ചനക്ഷത്ര ഹോട്ടലുകളിലുമായുണ്ടായ ചാവേര്‍ ആക്രമണത്തിന്റെ പശ്ചാത്തലത്തില്‍ ആ രാജ്യത്തേക്ക് അത്യാവശ്യമല്ലാത്ത യാത്രകള്‍ ഒഴിവാക്കണമെന്ന് ഇന്ത്യക്കാര്‍ക്ക് വിദേശകാര്യമന്ത്രാലയം മുന്നറിയിപ്പ് നല്‍കി.
ശ്രീലങ്കയില്‍ ഇപ്പോഴും ഭീകരാക്രമണ ഭീഷണി നിലനില്‍ക്കുന്ന പശ്ചാത്തലത്തിലാണ് രാജ്യത്തിന്റ മുന്നറിയിപ്പ്. ഒഴിച്ചുകൂടാന്‍ പറ്റാത്ത യാത്ര നടത്തേണ്ടി വരുന്നവര്‍ ശ്രീലങ്കയിലെ ഇന്ത്യന്‍ ഹൈകമ്മിഷനിലോ അല്ലെങ്കില്‍ കാന്‍ഡി, ജാഫ്‌ന തുടങ്ങിയ മേഖലകളിലുള്ള അസി. ഹൈക്കമ്മിഷന്‍ ഓഫിസുകളുമായോ സഹായം തേടാവുന്നതാണ്.