തളിപ്പറമ്പ്: ബക്കളത്ത് സി.പി.എം ഓഫിസിനുനേരെ അക്രമം. മടയിച്ചാലിലെ സി.പി.എം ബക്കളം നോര്‍ത്ത് ബ്രാഞ്ച് കമ്മിറ്റി ഓഫിസിന് നേരെയാണ് അക്രമം. ഓഫിസും ചെഗുവേര ക്ലബും പ്രവര്‍ത്തിക്കുന്ന കെട്ടിടത്തിന്റെ പത്ത് ജനല്‍ചില്ലുകളാണ് ഇന്നലെ പുലര്‍ച്ചെ അടിച്ചുതകര്‍ത്തത്. നോര്‍ത്ത് ബ്രാഞ്ച് സെക്രട്ടറി പി.വി സതീഷ്‌കുമാറിന്റെ പരാതിയില്‍ തളിപ്പറമ്പ് പൊലിസ് കേസെടുത്ത് അന്വേഷണമാരംഭിച്ചു.
തളിപ്പറമ്പ് സി.ഐ എ. അനില്‍കുമാര്‍, എസ്.ഐ കെ.കെ പ്രശോഭ്, സ്‌പെഷല്‍ബ്രാഞ്ച് എ.എസ്.ഐ കെ. മൊയ്തീന്‍ എന്നിവരുടെ നേതൃത്വത്തിലുള്ള പൊലിസ് പരിശോധന നടത്തി. അക്രമത്തിന് പിന്നില്‍ മുസ്‌ലിം ലീഗാണെന്ന് സി.പി.എം നേതൃത്വം ആരോപിച്ചു. സംഭവത്തില്‍ പ്രതിഷേധിച്ച് ബക്കളത്ത് സി.പി.എം പ്രകടനം നടത്തി.