കല്‍പകഞ്ചേരി: കല്‍പകഞ്ചേരി വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ ഒന്‍പതാംക്ലാസ് വിദ്യാര്‍ഥിനിയെ സ്‌കൂളിലേക്കു വരുമ്പോള്‍ വഴിയില്‍ വെച്ചു പീഡിപ്പിക്കാന്‍ ശ്രമിച്ച കേസിലെ പ്രതി കീഴടങ്ങി. കല്‍പകഞ്ചേരി ഗ്രാമപഞ്ചായത്തിലെ പറവന്നൂരിലെ റിയാസുദ്ദീനാ(26)ണു മഞ്ചേരി ജില്ലാ സെഷന്‍സ് കോടതിയില്‍ കീഴടങ്ങിയത്.  
പതിനൊന്നിനാണു കേസിനാസ്പദമായ സംഭവം. രാവിലെ സ്‌കൂളിലേക്കു വരികയായിരുന്ന ഒമ്പതാം ക്ലാസ് വിദ്യാര്‍ഥിനിയെ വഴിയില്‍ വെച്ചു ശാരീരികമായി പീഡിപ്പിക്കാന്‍ ശ്രമിച്ചെന്നാണു പരാതി. സംഭവംനടന്ന ഉടനെ കല്‍പകഞ്ചേരി പൊലിസില്‍ പരാതി നല്‍കിയെങ്കിലും പൊലിസ് നടപടിയെടുത്തില്ലെന്നും പരാതിയില്‍ പറയുന്നു. തുടര്‍ന്നു പിതാവ് ചൈല്‍ഡ് വെല്‍ഫയര്‍ കമ്മിറ്റിക്കു പരാതി നല്‍കി.  പ്രതിയെ റിമാന്‍ഡ് ചെയ്തു.