കയ്പമംഗലം: കയ്പമംഗലം എം.ഐ.സിയില്‍ ഷാര്‍ജ ആന്‍ഡ് നോര്‍ത്തേണ്‍ എമിറേറ്റ്‌സ് ഫോറവുമായി സഹകരിച്ചു പുതുതായി നിര്‍മിക്കുന്ന അല്‍ ബിര്‍റ് ഇസ്‌ലാമിക് പ്രീ സ്‌കൂളിന്റെയും ഗൈഡന്‍സ് സെന്ററിന്റെയും ശിലാസ്ഥാപന കര്‍മം സമസ്ത മുശാവറ അംഗം എസ്.എം.കെ തങ്ങള്‍ (എം.ഐ.സി കയ്പമംഗലം യൂനിറ്റ് പ്രസിഡന്റ് ) മുഖ്യാതിഥി ഹോട്ട് പേക്ക് മാനേജിങ് ഡയറക്ടര്‍ അബ്ദുല്‍ ജബ്ബാര്‍ സാഹിബ് ചാമക്കാല എന്നിവര്‍ നിര്‍വഹിച്ചു.
പൊതു സമ്മേളനത്തില്‍ എം.ഐ.സി കേന്ദ്ര കമ്മിറ്റി ജനറല്‍ സെക്രട്ടറി പി.എ സൈതു മുഹമ്മദ് ഹാജി ഉദ്ഘാടനം ചെയ്തു. എം.ഐ.സി ഷാര്‍ജ ആന്‍ഡ് നോര്‍ത്തേണ്‍ എമിറേറ്റ്‌സ് കയ്പമംഗലം ഫോറം സെക്രട്ടറി പി.എസ് അബ്ദുള്‍ ഹമീദ് സ്വാഗതം പറഞ്ഞു. പ്രസിഡന്റ് ഷിഹാസ് സുല്‍ത്താന്‍ അധ്യക്ഷനായി.
ജനറല്‍ സെക്രട്ടറി സഗീര്‍, ട്രഷറര്‍ പി.ബി താജുദ്ധീന്‍, ജി.സി.സി കോഡിനേറ്റര്‍ എം.എം ഷാജി, ദുബൈ യൂനിറ്റ് സെക്രട്ടറി യു.വൈ സുധീര്‍, മതിലകം റെയ്ഞ്ച് പ്രസിഡന്റ് ഫൈസല്‍ ബദരി, എസ്.വൈ.എസ് മേഖലാ സെക്രട്ടറി റഷീദ് പൊന്നറ, എസ്.കെ.എസ്.എസ്.എഫ് മേഖല പ്രസിഡന്റ് തൗഫീഖ് വാഫി സംസാരിച്ചു. അസിസ്റ്റന്റ് മാനേജര്‍ എം.കെ ആതവനാട് മുഖ്യ പ്രഭാഷണം നടത്തി. അബ്ദുല്‍ ജബ്ബാറിനെ ചെയര്‍മാനായി തിരഞ്ഞെടുത്തു. എം.ഐ.സി അല്‍ബിര്‍റ് ആന്‍ഡ് ഗൈഡന്‍സ് സെന്റര്‍ വര്‍ക്കിങ് സെക്രട്ടറി നവാസ് ടി.കെ നന്ദി പറഞ്ഞു.