തിരുവനന്തപുരം: കൊവിഡ് നിയന്ത്രണങ്ങള്‍ പാലിച്ച് വിദ്യാര്‍ഥികള്‍ക്കും രക്ഷിതാക്കള്‍ക്കും സഹായകരമാകുന്ന രീതിയില്‍ സര്‍ക്കാര്‍ ഐ.ടി.ഐകളിലെ പ്രവേശന നടപടികള്‍ പരിഷ്‌കരിച്ചു. സര്‍ക്കാര്‍ ഐ.ടി.ഐകളില്‍ സജ്ജീകരിക്കുന്ന ഹെല്‍പ്‌ഡെസ്‌കുകള്‍ മുഖേനയും അപേക്ഷ സമര്‍പ്പിക്കാം.
അപേക്ഷാഫീസ് ഒടുക്കുന്നതിന് ഓണ്‍ലൈനായും ഓഫ്‌ലൈനായും സൗകര്യമുണ്ടാവും. 100 രൂപ ഫീസൊടുക്കി ഒറ്റ അപേക്ഷയില്‍ സംസ്ഥാനത്തെ ഏത് ഐ.ടി.ഐയിലേക്കും അപേക്ഷിക്കാം. വേേു:െശേമറാശശൈീി.െസലൃമഹമ.ഴീ്.ശി മുഖേന ഓണ്‍ലൈനായാണ് അപേക്ഷ സമര്‍പ്പിക്കേണ്ടത്.
പ്രോസ്‌പെക്ടസും ഓണ്‍ലൈന്‍ അപേക്ഷ സമര്‍പ്പിക്കുന്നതിനുള്ള മാര്‍ഗനിര്‍ദേശങ്ങളും വേേു:െറല.േസലൃമഹമ.ഴീ്.ശി, വേേു:െശേമറാശശൈീി.െസലൃമഹമ.ഴീ്.ശി എന്നിവയില്‍ ലഭിക്കും. അപേക്ഷകന് ലഭിക്കുന്ന യൂസര്‍ ഐ.ഡിയും പാസ്‌വേര്‍ഡും ഉപയോഗിച്ച് അപേക്ഷ സ്വീകരിക്കുന്ന അവസാന തിയതി വരെ സമര്‍പ്പിച്ച അപേക്ഷയില്‍ മാറ്റങ്ങള്‍ വരുത്താം.
അപേക്ഷ സംബന്ധിച്ച വിവരങ്ങള്‍ മൊബൈല്‍ നമ്പരില്‍ എസ്.എം.എസ് ആയി ലഭിക്കും.