ചേളാരി: സമസ്ത ഇസ്‌ലാമിക് സെന്റര്‍ യാമ്പു സെന്‍ട്രല്‍ കമ്മിറ്റി തിരഞ്ഞെടുക്കപ്പെട്ട നിര്‍ധനരായ മദ്‌റസാ അധ്യാപകര്‍ക്ക് നല്‍കുന്ന സഹായ ഫണ്ട് യാമ്പു എസ്.ഐ.സി ചെയര്‍മാന്‍ സയ്യിദ് ആദില്‍ ബാഫഖി ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ പ്രസിഡന്റ് ഡോ. ബഹാഉദ്ദീന്‍ മുഹമ്മദ് നദ്‌വിയെ ഏല്‍പിച്ചു.
ഏഴാമത് വര്‍ഷമാണ് കമ്മിറ്റി ഇത്തരത്തില്‍ ധനസഹായം നല്‍കുന്നത്.ചേളാരി സമസ്താലയത്തില്‍ ചേര്‍ന്ന യോഗത്തില്‍ കൊടക് അബ്ദുറഹ്മാന്‍ മുസ്‌ലിയാര്‍, എം. അബൂക്കര്‍ മൗലവി ചേളാരി, ഡോ. എന്‍.എ.എം അബ്ദുല്‍ ഖാദിര്‍, കെ.കെ ഇബ്‌റാഹീം മുസ്‌ലിയാര്‍, ഹസൈനാര്‍ ഫൈസി ഫറോക്ക്, ഹുസൈന്‍ കുട്ടി മുസ്‌ലിയാര്‍ പുളിയാട്ടുകുളം, അബ്ദുസ്സമദ് മൗലവി മുട്ടം, എസ്.ഐ.സി ട്രഷറര്‍ അശ്‌റഫ് കല്ലില്‍ കൊണ്ടോട്ടി, സയ്യിദ് സൈദ് മുഹമ്മദ് ബാഫഖി കൊയിലാണ്ടി, അബ്ദുസ്സലാം ഒഴുകൂര്‍, അഹ്മദ് കബീര്‍ കുന്നുംപുറം സംസാരിച്ചു.