ബെയ്റൂത്ത് : ലെബനന്‍ തലസ്ഥാനമായ ബെയ്റൂത്തില്‍ വന്‍ തീപിടിത്തം. ഒരു മാസത്തിനിടെ ബെയ്റൂത്തില്‍ ഉണ്ടാവുന്ന രണ്ടാമത്തെ അപകടമാണിത്. ഓഗസ്റ്റ് നാലിനാണ് ബെയ്റൂത്ത് നഗരത്തില്‍ ലോകത്തെ ഞെട്ടിച്ച വന്‍ ബോംബ് സ്ഫോടനം നടന്നത്.

എണ്ണയും ടയറുകളും സൂക്ഷിച്ചിരുന്ന ഒരു വെയര്‍ ഹൗസ് തീ പിടിത്തത്തില്‍ കത്തിനശിച്ചു. എന്താണ് തീപിടിത്തത്തിന് കാരണമായത് എന്നത് വ്യക്തമല്ല എന്ന ലെബനീസ് സൈന്യം ട്വിറ്ററില്‍ പോസ്റ്റ് ചെയ്തു. കഴിഞ്ഞ മാസം നടന്ന സ്ഫോടനത്തില്‍ കെട്ടിടങ്ങള്‍ തകരുന്നതിന്റെ ദൃശ്യങ്ങള്‍ ലോകമാകെ പ്രചരിച്ചിരുന്നു. സ്ഫോടനത്തില്‍ 200 ഓളം പേര്‍ മരിച്ചതായാണ് റിപ്പോര്‍ട്ട്