കോഴിക്കോട് : ഒരു പത്രം കൊണ്ട് മലയാളിക്ക് പൂര്‍ണ സംതൃപ്തി നല്‍കാന്‍ കഴിഞ്ഞു എന്നതാണ് സുപ്രഭാതത്തിന്റെ മഹത്വമെന്ന് സഊദി കെ.എം.സി.സി നാഷനല്‍ കമ്മിറ്റി പ്രസിഡന്റ് കെ.പി മുഹമ്മദ് കുട്ടി പറഞ്ഞു.
സുപ്രഭാതം കാംപയിനിന്റെ ഭാഗമായി ചെയര്‍മാന്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ക്ക് വരിസംഖ്യ കൈമാറി സംസാരിക്കുകയായിരുന്നു അദ്ദേഹം.സമസ്തയുടെ മുന്നേറ്റത്തിനുള്ള വലിയ അംഗീകാരമാണ് ഈ പത്രം. പത്രത്തിന്റെ മികവ് പൊതുസമൂഹത്തിന് ബോധ്യമായിരുന്നു.
ന്യൂനപക്ഷ വിഭാഗങ്ങളെ, പ്രത്യേകിച്ച് മുസ് ലിം സമുദായത്തെ ബാധിക്കുന്ന നിരവധി പ്രശ്‌നങ്ങളില്‍ സുപ്രഭാതം സന്ധിയില്ലാ സമരം നടത്തിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു.