കോഴിക്കോട്: പ്രളയത്തില്‍ പാഠപുസ്തകങ്ങള്‍ നഷ്ടപ്പെട്ടവര്‍ക്ക് സഹായ ഹസ്തവുമായി ട്യൂഷന്‍മാഷ് ആപ്പ്.
കോഴിക്കോട് കേന്ദ്രമായി പ്രവര്‍ത്തിക്കുന്ന ക്രൈറ്റ് ഇന്‍ഫോ എല്‍.എല്‍.പിയുടെ നേതൃത്വത്തിലുള്ള ട്യൂഷന്‍മാഷ് ആപ്പ് കുട്ടികള്‍ക്ക് വീട്ടില്‍ ഇരുന്നുകൊണ്ട് മൊബൈലിന്റെ സഹായത്തോടെ പാഠങ്ങള്‍ പഠിക്കാന്‍ സഹായിക്കുന്ന ആപ്ലിക്കേഷനാണ്.
സ്റ്റേറ്റ് സിലബസിലെ 9,10 ക്ലാസിലെ പാഠഭാഗങ്ങളാണ് ആന്‍ഡ്രോയിഡ് പ്ലാറ്റ് ഫോമിലുള്ള ആപ്പില്‍ നിലവില്‍ ലഭ്യമായിട്ടുള്ളത്.
പ്രളയത്തില്‍ പാഠപുസ്തകങ്ങള്‍ നഷ്ടമായ വിദ്യാര്‍ഥികള്‍ക്ക് പൂര്‍ണമായും സൗജന്യമായി ആപ്പ് ഉപയോഗിക്കാമെന്ന് സി.ഇ.ഒ സുഹൈര്‍ മഹ്മൂദ് പി.പി, ഡയരക്ടര്‍ പി.പി മാഹിര്‍ ബിന്‍ ഫാറൂഖ് എന്നിവര്‍ വാര്‍ത്താസമ്മേളനത്തില്‍ അറിയിച്ചു. പ്രളയത്തിലകപ്പെട്ട വിദ്യാര്‍ഥികളെ തങ്ങളാല്‍ കഴിയുന്ന വിധം സഹായിക്കുക എന്നതാണ് ലക്ഷ്യമിടുതെന്നും ഇവര്‍ പറഞ്ഞു.