തൃപ്രയാര്‍: ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബിന്റെ നേതൃത്വത്തില്‍ തിരുവോണ നാളില്‍ നടത്തുന്ന തൃപ്രയാര്‍ ജലോത്സവത്തിന്റെ സംഘാടക സമിതി രൂപീകരിച്ചു.
 തൃപ്രയാര്‍ സുവര്‍ണ്ണ കോളജില്‍ ചേര്‍ന്ന യോഗം അന്തിക്കാട് ബ്ലോക്ക് പഞ്ചായത്ത് പ്രസിഡന്റ് പി.സി ശ്രീദേവി ഉദ്ഘാടനം ചെയ്തു. കെ.വി പീതാംബരന്‍ അധ്യക്ഷനായി. താന്ന്യം പഞ്ചായത്ത് പ്രസിഡന്റ് സി.പി ജോസ്, പ്രേമചന്ദ്രന്‍ വടക്കേടത്ത്, പി.ആര്‍ സുശില ടീച്ചര്‍, ബെന്നി തട്ടില്‍, എന്‍.കെ ഹരിചന്ദ്രന്‍, നന്മ ചന്ദ്രന്‍, എം.വി വിജയന്‍, യു.കെ ഗോപാലന്‍, ജഗന്നിവാസന്‍ ഇയ്യാനി എന്നിവര്‍ സംസാരിച്ചു.
സംഘാടക സമിതി ഭാരവാഹികളായി കെ.വി പീതാംബരന്‍ (ചെയര്‍മാന്‍), പ്രേമചന്ദ്രന്‍ വടക്കേടത്ത്, പി.സി ശ്രീദേവി (ജന:കണ്‍വീനര്‍മാര്‍), ബെന്നി തട്ടില്‍ (സെക്രട്ടറി), എന്‍.കെ ഹരിചന്ദ്രന്‍ (ട്രഷറര്‍) എന്നിവരെ തെരഞ്ഞെടുത്തു. സെപ്റ്റംബര്‍ 14ന് തിരുവോണ ദിവസമാണ് തൃപ്രയാര്‍ ജലോത്സവം.