കുന്നംകുളം: സ്‌ക്കൂള്‍ പരിസരത്ത് കഞ്ചാവ് വില്‍പന നടത്തുന്നയാളെ കുന്നംകുളം പൊലിസ് പിടികൂടി. അടുപ്പൂട്ടി പൂങ്ങാട്ട് രവി(51)ആണ് പിടിയിലായത്. ഇയാളില്‍ നിന്നും കഞ്ചാവ് പൊതികളും കണ്ടെടുത്തു.
സ്‌ക്കൂള്‍ പരിസരത്ത് ലഹരി വസ്തുക്കള്‍ നിരോധിച്ച സാഹചര്യത്തില്‍ പൊലിസ് നിരീക്ഷണം ശക്തമാക്കിയതോടെയാണ് ഇയാള്‍ പിടിയിലായത്.
1നഗരത്തില്‍ കോളജുകള്‍ക്കും സ്‌ക്കൂളുകള്‍ക്കും അടുത്തായി ചെറിയ പൊതികളിലായി കഞ്ചാവ് വില്‍പന നടത്തുന്നത് സംബന്ധിച്ചുള്ള വിവരത്തെ തുടര്‍ന്ന് കുന്നംകുളം എസ്.ഐ ടി.പി ഫര്‍ഷാദിന്റെ നേതൃത്വത്തില്‍ പരിശോധന നടന്നു വരുന്നതിനിടയിലാണ് ഇയാള്‍ പിടിയിലായത്.
ഇയാളില്‍ നിന്നും പിടികൂടിയ കഞ്ചാവിന്റെ അളവ് അധികമല്ലെങ്കിലും മേഖലയില്‍ വിദ്യാര്‍ഥികളെ ഉപയോഗപെടുത്തി കഞ്ചാവുള്‍പെടേയുള്ളവ വില്‍പന നടത്തുന്നതായി പറയപെടുന്നുണ്ടെന്നും ഇത് സംബന്ധിച്ച് പൊലിസ് ഗൗരവമായി അന്വേഷണം നടത്തുന്നതായും പൊലിസ് പറഞ്ഞു.