കൊണ്ടോട്ടി: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 2.1 കിലോ സ്വര്‍ണം എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടി.
കോഴിക്കോട് ബേപ്പൂര്‍ അരയന്‍ വീട്ടില്‍ പ്രണവ് (28), പാലക്കാട് വല്ലപ്പുഴ ചൂരക്കോട് കരിമ്പനക്കല്‍ ബാദുഷ (30) എന്നിവരില്‍ നിന്നാണ് സ്വര്‍ണം പിടികൂടിയത്.
ഇത്തിഹാദ് എയറിന്റെ ഇ.വൈ.250 വിമാനത്തില്‍ അബൂദബിയില്‍ നിന്നാണ് ഇരുവരും കരിപ്പൂരിലെത്തിയത്. ഷൂസിനകത്താണ് ഇരുവരും സ്വര്‍ണം കടത്താന്‍ ശ്രമിച്ചത്. പ്രണവിന്റെ കൈയില്‍ നിന്നും 1.4 കിലോയും ബാദുഷയുടെ കൈയില്‍ നിന്നും 700 ഗ്രാം സ്വര്‍ണവുമാണ് കണ്ടെടുത്തത്. ഇതിന് 67.2 ലക്ഷം വില ലഭിക്കും.