കല്‍പ്പറ്റ: പ്രായഭേദമില്ലാതെ കലാകായിക പ്രവര്‍ത്തനങ്ങളെ പരിപോഷിപ്പിക്കുന്നതില്‍ സക്ഷരതാ മിഷന്‍  മുന്നിലാണെന്ന് സി.കെ ശശീന്ദ്രന്‍ എം.എല്‍.എ പറഞ്ഞു.
സക്ഷരതാ മിഷന്റെ പത്താം ക്ലാസ് തുല്യതാ പഠിതാക്കളുടെ കലാസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രായമായവര്‍ മോണോആക്ട്, സംഘനൃത്തം, നാടോടി നൃത്തം എന്നിവ അവതരിപ്പിക്കുന്നത് കണ്ട് ഇവര്‍ക്ക് നഷ്ടപെട്ടുപോയ ബാല്യവും കൗമാരവും യൗവനവും തിരികെ കൊണ്ടു വരുന്നതില്‍ ആഹ്ലാദമുണ്ടെന്നും അദ്ദേഹം പറഞ്ഞു.
ജില്ലാ പഞ്ചായത്ത് പ്രസിഡന്റ് ടി ഉഷാകുമാരി അധ്യക്ഷയായി. പി.കെ അസ്മത്ത് മുഖ്യപ്രഭാഷണം നടത്തി. എ ദേവകി കലാസംഗമ സന്ദേശം നല്‍കി. കെ മിനി, പി.കെ അനില്‍ കുമാര്‍, ചന്ദ്രന്‍ കെനാത്തി, ബൈജു ഐസക്ക്, ബേബി ജോസഫ്, ജാഫര്‍, സ്വയനാസര്‍, പി.വി ശാസ്ത പ്രസാദ് സംസാരിച്ചു.
ലളിത ഗാനം, മാപ്പിളപ്പാട്ട്, നാടന്‍പാട്ട്, കവിതാ പാരായണം, മിമിക്രി, മോണോ ആക്ട്, ഫാന്‍സി ഡ്രസ്സ്, നാടോടി നൃത്തം, നാടന്‍ പാട്ട്, ദേശഭക്തി ഗാനം, സമൂഹഗാനം എന്നീ മത്സരങ്ങളും സംഘടിപ്പിച്ചു.