ലഖ്‌നൗ: രാഹുല്‍ ഗാന്ധി കോണ്‍ഗ്രസിന്റെ പ്രധാനമന്ത്രി സ്ഥാനാര്‍ഥിയാകുമെന്ന കാര്യത്തില്‍ സംശയമില്ലെന്ന് ഉത്തര്‍പ്രദേശ് കോണ്‍ഗ്രസ് അധ്യക്ഷന്‍ രാജ് ബബ്ബാര്‍. 2019ലെ ലോക്‌സഭാ തെരഞ്ഞെടുപ്പിന് ശേഷം രാജ്യത്തെ ജനങ്ങള്‍ തീരുമാനിക്കും ആരായിരിക്കും പ്രധാനമന്ത്രിയെന്നും അദ്ദേഹം കൂട്ടിച്ചേര്‍ത്തു.
ലഖ്‌നൗവില്‍ ഹിന്ദി മാധ്യമമായ ഹിന്ദുസ്ഥാന്‍ നടത്തിയ വാര്‍ഷിക സംവാദത്തില്‍ സംസാരിക്കുകയായിരുന്നു അദ്ദേഹം. ബി.ജെ.പി ഭരണത്തില്‍ നിന്ന് രാജ്യത്തെ രക്ഷിക്കണമെന്ന് എല്ലാ രാഷ്ട്രീയ പാര്‍ട്ടികളും സ്ഥാപനങ്ങളും വ്യക്തികളും ആഗ്രഹിക്കുന്നുണ്ട്. ഇതിനായി പ്രതിപക്ഷത്തിന്റെ നേതൃത്വത്തില്‍ മഹാസഖ്യത്തിനുള്ള അരങ്ങൊരുങ്ങുകയാണെന്നും അദ്ദേഹം പറഞ്ഞു.