വാര്‍സോ: പോള@ണ്ടിലെ വാര്‍സോയില്‍ നടക്കുന്ന ഇന്റര്‍നാഷനല്‍ ബോക്‌സിങ് ടൂര്‍ണമെന്റില്‍ ഇന്ത്യന്‍ താരങ്ങളായ ഗൗരവ് സോളങ്കിക്കും മനീഷ് കൗശിക്കിനും സ്വര്‍ണം. 52 കിലോ വിഭാഗത്തിലായിരുന്നു സോളങ്കിയുടെ സ്വര്‍ണനേട്ടം. കൗശിക് 60 കിലോഗ്രാം വിഭാഗത്തിലും സ്വര്‍ണം നേടി. ടൂര്‍ണമെന്റില്‍ ഇന്ത്യ ഒരു വെള്ളിയും മൂന്ന് വെങ്കലവും സ്വന്തമാക്കി. ഇംഗ്ല@ണ്ടിന്റെ വില്യം കാവ്‌ലിയെ 5-0 എന്ന നിലയില്‍ തോല്‍പ്പിച്ചാണ് സോളങ്കി സ്വര്‍ണം നേടിയത്. എതിരാളിക്കെതിരേ മികച്ച പ്രകടനം നടത്തിയ ഇന്ത്യന്‍താരം ഒരു തവണ പോലും വീഴ്ച്ച വരുത്തിയില്ല. കഴിഞ്ഞ കോമണ്‍വെല്‍ത്ത് ഗെയിംസിലും സോളങ്കി സ്വര്‍ണം നേടിയിരുന്നു. മൊറോക്കോയുടെ മുഹമ്ദ് ഹാമൗട്ടിനെതിരേയായിരുന്നു കൗശിക്കിന്റെ ഫൈനല്‍. 4-1 എന്ന നിലയില്‍ ഇന്ത്യന്‍താരം വിജയം സ്വന്തമാക്കി.