മൊഹാലി: ചെന്നൈ സൂപ്പര്‍ കിങ്‌സിനെതിരേ തങ്ങളുടെ അവസാന മത്സരത്തില്‍ മികച്ച ജയം സ്വന്തമാക്കിയെങ്കിലും കിങ്‌സ് ഇലവന്‍ പഞ്ചാബ് ഐ.പി.എല്ലില്‍നിന്ന് പുറത്തായി. ചെന്നൈ നേരത്തെ തന്നെ പ്ലേഓഫിലേക്ക് യോഗ്യത നേടിയിരുന്നു. പഞ്ചാബ് ആറ് വിക്കറ്റിനാണ് ചെന്നൈയെ പരാജയപ്പെടുത്തിയത്.

നിശ്ചിത 20 ഓവറില്‍ ചെന്നൈ 5 വിക്കറ്റ് നഷ്ടത്തില്‍ 170 റണ്‍സെടുത്തപ്പോള്‍ പഞ്ചാബ് 18 ഓവറില്‍ 4 വിക്കറ്റ് നഷ്ടത്തില്‍ ലക്ഷ്യത്തിലെത്തി. സീസണില്‍ ആറാം സ്ഥാനത്താണ് പഞ്ചാബ് ഫിനിഷ് ചെയ്തത്. 171 റണ്‍സ് വിജയലക്ഷ്യവുമായി ഇറങ്ങിയ പഞ്ചാബിനുവേണ്ടണ്ടി കെ.എല്‍ രാഹുല്‍ മികച്ച പ്രകടനം നടത്തി. 19 പന്തില്‍ അര്‍ധ സെഞ്ചുറി നേടിയ താരം 36 പന്തില്‍ 71 റണ്‍സെടുത്താണ് പുറത്തായത്. ക്രിസ് ഗെയ്ല്‍ (28), നിക്കോളാസ് പൂരന്‍ (36) എന്നിവരും ടീമിനുവേ@ണ്ടി മികച്ച സ്‌കോര്‍ കണ്ടെത്തി.
ചെന്നൈയ്ക്കുവേണ്ടണ്ടി ഫാഫ് ഡു പ്ലസിസ് (96), സുരേഷ് റെയ്‌ന (53) എന്നിവര്‍ മികച്ച പ്രകടനം കാഴ്ചവച്ചു.