കൊച്ചി: റൂക്‌സ് ആന്‍ഡ് റോള്‍ ചെസ്സ് ക്ലബിന്റെയും എറണാകുളം ചെസ്സ് അസോസിയേഷന്റെയും നേതൃത്വത്തില്‍ നടത്തിയ സംസ്ഥാന സീനിയര്‍ വനിതാ ചെസ്സ് ചാംപ്യന്‍ഷിപ്പില്‍ എറണാകുളത്തിന്റെ ഫാത്തിമ അബ്ദീന് കിരീടം. അനുപം എം. ശ്രീകുമാര്‍ (തിരുവനന്തപുരം), ഇ. ഷീന (കണ്ണൂര്‍ ), അഞ്ജിത കൃഷ്ണകുമാര്‍ (എറണാകുളം) എന്നിവര്‍ രണ്ട് മുതല്‍ 4വരെ സ്ഥാനങ്ങള്‍ കരസ്ഥമാക്കി.
ഇവര്‍ സംസ്ഥാനത്തെ പ്രധിനിധീകരിച്ചു ദേശീയ ചാംപ്യന്‍ഷിപ്പില്‍ പങ്കെടുക്കും. എഫ്.എ.സി.ടിയിലെ അസിസ്റ്റന്റ് മാനേജര്‍ അബ്ദീന്‍ അഹമ്മദിന്റെയും റോഷ്‌നി അബ്ദീന്റെയും മകളായ ഫാത്തിമ തേവര എസ്.എച്ച് കോളജിലെ വിദ്യാര്‍ഥിനിയാണ്.