ന്യൂഡല്‍ഹി: അഡ്വ. വിജു അബ്രഹാമിനെ കേരളാഹൈക്കോടതി ജഡ്ജിയായി നിയമിക്കാന്‍ ചീഫ് ജസ്റ്റിസ് രഞ്ജന്‍ ഗൊഗോയിയുടെ അധ്യക്ഷതയിലുള്ള സുപ്രിംകോടതി കൊളീജിയം ശുപാര്‍ശ ചെയ്തു. 2018 മാര്‍ച്ച് 7 ന് വിജു എബ്രഹാമിനെ ഹൈകോടതി ജഡ്ജി ആയി ഉയര്‍ത്താന്‍ കേരള ഹൈകോടതി കൊളീജിയം ശുപാര്‍ശ ചെയ്തിരുന്നു. എന്നാല്‍ സുപ്രിംകോടതി കൊളീജിയം തീരുമാനം മാറ്റി വയ്ക്കുകയായിരുന്നു. വരുമാനം സംബന്ധിച്ച് റിപ്പോര്‍ട്ട് പരിശോധിച്ച ശേഷമാണ് സുപ്രിംകോടതി കൊളീജിയം അന്തിമ തീരുമാനമെടുത്തത്.