കൂത്തുപറമ്പ്: ജ്വല്ലറിയില്‍ സ്വര്‍ണം വാങ്ങാനെന്ന വ്യാജേന എത്തിയയാള്‍ അഞ്ചു പവന്‍ സ്വര്‍ണമാലയുമായി കടന്നു. ഇന്നലെ ഉച്ചയ്ക്ക് കൂത്തുപറമ്പിലെ ഉല്ലാസ് ജ്വല്ലറിയിലാണ് മോഷണം നടന്നത്. വാങ്ങാനെന്ന വ്യാജേന പരിശോധിച്ച സ്വര്‍ണമാല ഇയാള്‍ കഴുത്തിലിട്ട് ഓടി രക്ഷപ്പെടുകയായിരുന്നു. ജ്വല്ലറി ഉടമ പവിത്രന്റെ പരാതിയില്‍ കൂത്തുപറമ്പ് എസ്.ഐ കെ.ജെ വിനോയിയുടെ നേതൃത്വത്തില്‍ പൊലിസ് പരിശോധന നടത്തി. മാല മോഷ്ടിച്ചു കടന്നയാളുടെ ഫോട്ടോ ജ്വല്ലറിയിലെ സി.സി ടി.വി കാമറയില്‍ പതിഞ്ഞിട്ടുണ്ട്.