റിയാദ്: ആശ്വാസമേകി സഊദിയിൽ വീണ്ടും വൈറസ് ബാധ നിരക്കിൽ വൻ കുറവ്. പ്രതിദിന വൈറസ് ബാധ കണക്കിൽ ഏതാനും മാസങ്ങളിലെ ഏറ്റവും കുറവ് വൈറസ് ബാധയാണ് ഇന്ന് രേഖപ്പെടുത്തിയത്. കഴിഞ്ഞ 24 മണിക്കൂറിനിടെ 1,078 രോഗികൾ രോഗ മുക്തരായതായി സഊദി ആരോഗ്യ മന്ത്രാലയം അറിയിച്ചു. 28 രോഗികൾ മരണപ്പെടുകയും 551 പുതിയ രോഗബാധ സ്ഥിരീകരിക്കുകയും ചെയ്‌തിട്ടുണ്ട്‌. 

    15,383 രോഗികളാണ് രാജ്യത്ത് നിലവിൽ വിവിധ ആശുപത്രികളിൽ ചികിത്സയിൽ കഴിയുന്നത്. ഇവരിൽ 1,166 രോഗികൾ അതീവ ഗുരുതരാവസ്ഥയിലുമാണ്.

     ഇതോടെ രാജ്യത്തെ വൈറസ് ബാധയേറ്റുള്ള മരണം 4,458 ആയും വൈറസ് ബാധിതർ 329,271 ആയും ഉയർന്നിട്ടുണ്ട്. ഇന്ന് 1,078 രോഗികൾ രോഗ മുക്തി നേടിയതോടെ രാജ്യത്തെ രോഗ മുക്തരുടെ എണ്ണം 309,430 ആയും ഉയർന്നു.