ചെറുവത്തൂര്‍: തൃക്കരിപ്പൂര്‍ മണ്ഡലത്തില്‍ എസ്.വൈ.എസ് തന്‍ഖിയ സമ്മേളനങ്ങള്‍ക്ക് 15ന് തുടക്കം. തൃക്കരിപ്പൂര്‍ പഞ്ചായത്ത് സംഗമം 15ന് മെട്ടമ്മല്‍ ശാഖാ ഓഫിസില്‍ ജില്ലാ പ്രസിഡന്റ് ടി.കെ പൂക്കോയ തങ്ങള്‍ ഉദ്ഘാടനം ചെയ്യും.
എളേരി പഞ്ചായത്ത് സംഗമം 15ന് ഉച്ചയ്ക്ക് രണ്ടിനു ഓട്ടപ്പടവ് സിറാജുല്‍ ഇസ്‌ലാം മദ്‌റസയിലും കയ്യൂര്‍ -ചീമേനി പഞ്ചായത്ത് സംഗമം 16ന് വൈകിട്ട് നാലിന് ചാനടുക്കം മദ്‌റസയിലും നടക്കും.
ചെറുവത്തൂര്‍ പഞ്ചായത്ത് സംഗമം 21 ന് വൈകീട്ട് നാലിന് പയ്യങ്കി മദ്‌റസ, പടന്ന പഞ്ചായത്ത് സംഗമം 23ന് വൈകിട്ട് നാലിന് പടന്ന റഹ്മാനിയ മദ്‌റസ, പിലിക്കോട് പഞ്ചായത്ത് സംഗമം 25ന് വൈകീട്ട് നാലിന് ചന്തേര ഹയാത്തുല്‍ ഇസ്‌ലാം മദ്‌റസ എന്നിവിടങ്ങളില്‍ നടക്കും.
ചെറുവത്തൂര്‍ ടി.കെ.സി ഓഫിസില്‍ ചേര്‍ന്ന യോഗം സ്റ്റേറ്റ് കൗണ്‍സിലര്‍ ടി.സി കുഞ്ഞബ്ദുല്ല ഹാജി ഉദ്ഘാടനം ചെയ്തു. കെ.പി കമാല്‍ അധ്യക്ഷനായി. പി. മുഹമ്മദ് കുഞ്ഞിമാസ്റ്റര്‍, പി.വി അസൈനാര്‍ മൗലവി, പി.എ ബഷീര്‍ മൗലവി, എ.സി അബ്ദുല്‍ ഖാദര്‍, കെ. അഹമ്മദ് കുഞ്ഞി തുടങ്ങിയവര്‍ സംസാരിച്ചു.