മങ്കട: പലതവണ കവര്‍ച്ച നടന്ന മങ്കടയില്‍ ഇന്നലെ വീണ്ടും മോഷണശ്രമം. വടക്കാങ്ങര മേലേ കാളാവില്‍ പുതുക്കുടി ശംസുദ്ദീന്റെ വീടാണ് കഴിഞ്ഞ ദിവസം രാത്രി മുന്‍ വശത്തെ വാതില്‍ പൂട്ട് കുത്തിത്തുറന്ന് മോഷ്ടിക്കാന്‍ ശ്രമം നടത്തിയത്. ഇവര്‍ കുടുംബസമേതം വിദേശത്താണ് താമസിക്കുന്നത്. ബന്ധു കാര്‍ കഴുകാനെത്തിയതോടെയാണ് മോഷണ ശ്രമം ശ്രദ്ധയില്‍പെട്ടത്.
അകത്തുകയറി അടുക്കളയിലും മുകള്‍ നിലയിലുമടക്കം മോഷ്ടാക്കള്‍ കയറിയതായാണ്് സൂചന. മങ്കട പൊലിസ് തെളിവെടുത്തു. കഴിഞ്ഞ ഏതാനും ആഴ്ചകളായി മങ്കടയിലെ വിവിധ മേഖലകളില്‍ ഭീതി വിതച്ച്, സ്‌കൂളുകളിലും ആളൊഴിഞ്ഞ വീടുകളിലും മോഷ്ടാക്കള്‍ വിഹരിക്കുകയാണ്.