തിരുവനന്തപുരം: ഹയര്‍ സെക്കന്‍ഡറി സേ, ഇംപ്രൂവ്‌മെന്റ് പരീക്ഷകള്‍ ജൂണ്‍ 10 മുതല്‍ 17 വരെ നടക്കും. രാവിലെ 9.30 മുതലും ഉച്ചകഴിഞ്ഞു രണ്ടു മുതലുമായിരിക്കും പരീക്ഷ. പ്രായോഗിക പരീക്ഷ ഉള്ള വിഷയങ്ങള്‍ക്ക് കൂള്‍ ഓഫ് ടൈം ഉള്‍പ്പെടെ രണ്ടേകാല്‍ മണിക്കൂറും പ്രായോഗിക പരീക്ഷ ഇല്ലാത്ത വിഷയങ്ങള്‍ക്ക് കൂള്‍ ഓഫ് ടൈം ഉള്‍പ്പെടെ രണ്ടേമുക്കാല്‍ മണിക്കൂറും ആയിരിക്കും സമയം.

മ്യൂസിക്കിന് കൂള്‍ ഓഫ് ടൈം ഉള്‍പ്പെടെ ഒന്നേമുക്കാല്‍ മണിക്കൂര്‍ ആയിരിക്കും പരീക്ഷാ സമയം. 2019 മാര്‍ച്ചിലെ രണ്ടാം വര്‍ഷ പരീക്ഷയില്‍ ആദ്യമായി രജിസ്റ്റര്‍ ചെയ്ത് പരീക്ഷ എഴുതിയ റഗുലര്‍ വിദ്യാര്‍ഥികള്‍ക്ക് യോഗ്യത നേടാനാവാത്ത വിഷയങ്ങള്‍ക്ക് സേ പരീക്ഷയ്ക്ക് അപേക്ഷിക്കാം. യോഗ്യത നേടാനാവാത്ത എല്ലാ വിഷയങ്ങള്‍ക്കും സേ പരീക്ഷയ്ക്ക് അപേക്ഷിക്കാം.

കംപാര്‍ട്ട്‌മെന്റല്‍ പരീക്ഷ എഴുതി ഒരു വിഷയം മാത്രം ലഭിക്കാനുള്ളവര്‍ക്ക് ആ വിഷയത്തിന് മാത്രം സേ പരീക്ഷയ്ക്ക് അപേക്ഷിക്കാവുന്നതാണ്. ഈ വിഭാഗക്കാര്‍ക്ക് ഒന്നില്‍ കൂടുതല്‍ വിഷയങ്ങള്‍ ഡി ഗ്രേഡോ അതില്‍ താഴെയോ ആണെങ്കില്‍ അപേക്ഷിക്കാന്‍ അര്‍ഹതയില്ല.

2019 മാര്‍ച്ചില്‍ ആദ്യമായി പരീക്ഷ എഴുതിയ റഗുലര്‍ വിദ്യാര്‍ഥികള്‍ എല്ലാ വിഷയങ്ങള്‍ക്കും ഡി പ്ലസ് ഗ്രേഡോ അതിനു മുകളിലോ ലഭിച്ചിട്ടുണ്ടെങ്കില്‍ ഏതെങ്കിലും ഒരു വിഷയത്തിനു മാത്രം തങ്ങളുടെ സ്‌കോര്‍ മെച്ചപ്പെടുത്തുന്നതിനുവേണ്ടി ഇംപ്രൂവ്‌മെന്റ് പരീക്ഷയ്ക്ക് അപേക്ഷിക്കാം.

രണ്ടാം വര്‍ഷ തിയറി പേപ്പറുകള്‍ക്ക് മാത്രമേ സേ, ഇംപ്രൂവ്‌മെന്റ് പരീക്ഷ ഉണ്ടായിരിക്കൂ. സേ, ഇംപ്രൂവ്‌മെന്റ് പരീക്ഷയ്ക്ക് അപേക്ഷിക്കാനുള്ള അവസാന ദിവസം ഈ മാസം 15 ആണ്. സേ പരീക്ഷയ്ക്ക് പേപ്പര്‍ ഒന്നിന് 150 രൂപയും ഇംപ്രൂവ്‌മെന്റ് പരീക്ഷയ്ക്ക് 500 രൂപയുമാണ് ഫീസ്. ഇതിനു പുറമേ സര്‍ട്ടിഫിക്കറ്റ് ഫീസായി 40 രൂപയും അടയ്ക്കണം. ടൈംടേബിള്‍: ജൂണ്‍ 10- രാവിലെ അക്കൗണ്ടന്‍സ്, ഹിസ്റ്ററി, ഇസ്ലാമിക് ഹിസ്റ്ററി ആന്‍ഡ് കള്‍ച്ചര്‍, കമ്യൂണിക്കേറ്റീവ് ഇംഗ്ലീഷ്, ഇലക്ടോണിക്‌സ് സര്‍വീസ് ടെക്‌നോളജി. ഉച്ചകഴിഞ്ഞ് ഫിസിക്‌സ്, ജോഗ്രഫി, മ്യൂസിക്, ഗാന്ധിയന്‍ സ്റ്റഡീസ്, ഇംഗ്ലീഷ് ലിറ്ററേച്ചര്‍.
ജൂണ്‍ 11- രാവിലെ ഇക്കണോമിക്‌സ്, ജേര്‍ണലിസം. ഉച്ചകഴിഞ്ഞ് ജിയോളജി, സ്റ്റാറ്റിക്‌സ്, കംപ്യൂട്ടര്‍ ആപ്ലിക്കേഷന്‍, ഹോം സയന്‍സ്.

ജൂണ്‍ 12- രാവിലെ ബിസിനസ് സ്റ്റഡീസ്, സോഷ്യോളജി, ഫിലോസഫി, ആന്ത്രോപോളജി, ഉച്ചകഴിഞ്ഞ് കെമിസ്ട്രി, സംസ്‌കൃത ശസ്ത്രം, പൊളിറ്റിക്കല്‍ സയന്‍സ്

ജൂണ്‍ 13- രാവിലെ: പാര്‍ട്ട് ഒന്ന് ഇംഗ്ലീഷ്, ഉച്ചകഴിഞ്ഞ്: പാര്‍ട്ട് 2 രണ്ടാം ഭാഷകള്‍, കംപ്യൂട്ടര്‍ ഇന്‍ഫര്‍മേഷന്‍ ടെക്‌നോളജി.
ജൂണ്‍ 17- രാവിലെ മാത്തമാറ്റിക്‌സ്, പാര്‍ട്ട് 3 ഭാഷകള്‍, സൈക്കോളജി, സംസ്‌കൃത സാഹിത്യം, ഉച്ചകഴിഞ്ഞ് സോഷ്യല്‍ വര്‍ക്ക്, ബയോളജി, കംപ്യൂട്ടര്‍ സയന്‍സ്, ഇലക്ടോണിക്‌സ്.