കോതമംഗലം: സ്‌കൂളിലേക്ക് പോയ പത്താം ക്ലാസ്സ് വിദ്യാര്‍ഥിയെ രണ്ട് ദിവസങ്ങളായി കാണാതായി. കോട്ടപ്പടി മാര്‍ എലിയാസ് സ്‌കൂളില്‍ 10ാം ക്ലാസ്സില്‍ പഠിക്കുന്ന ദിദില്‍ വ്യാഴാഴ്ച വൈകിട്ട് നാലുവരെ ക്ലാസ്സില്‍ ഉണ്ടായിരുന്നതായി സഹപാഠികളും അധ്യാപകരും പറയുന്നു.
വീട്ടില്‍ നിന്നും ആയക്കാട് ജംഗഷന്‍ വരെ  സൈക്കിളില്‍ പോയി അവിടെ നിന്നും ബസിലാണ് സാധാരണ സ്‌കൂളിലേക്ക് പോകുന്നത്. സൈക്കിള്‍ സ്ഥിരമായി വയ്ക്കുന്ന സ്ഥലത്ത് നിന്നുതന്നെ കണ്ടെത്തി. കാണാതാകുമ്പോള്‍ സ്‌കൂള്‍ യൂനിഫോമാണ് കുട്ടി ധരിച്ചിരിക്കുന്നത്.
കറുത്ത്‌പൊക്കം കുറഞ്ഞ ശരീരപ്രകൃതിയോട് കൂടിയ വിദ്യാര്‍ഥിയെ കുറിച്ച് എന്തെങ്കിലും വിവരം ലഭിക്കുന്നവര്‍ തൊട്ടടുത്ത പൊലിസ് സ്റ്റേഷനിലോ 9847365314 എന്ന നമ്പരിലൊ അറിയിക്കണം. വീട്ടുകാരുടെ പരാതിയെ തുടര്‍ന്ന് പൊലിസ് കേസെടുത്ത് അന്വേഷണം ആരംഭിച്ചു