കോട്ടയം: ഇക്കഴിഞ്ഞ എസ്.എസ്.എല്‍.സി പരീക്ഷയില്‍ എല്ലാ വിഷയങ്ങള്‍ക്കും ബി പ്ലസില്‍ കുറയാതെ ഗ്രേഡുകള്‍ കരസ്ഥമാക്കിയ സയന്‍സ് ഗ്രൂപ്പെടുത്ത് പ്ലസ്സ് വണ്ണിനു പഠിക്കുന്നവര്‍ക്ക് എന്‍ട്രന്‍സ് പരിശീലനത്തിനുളള ധനസഹായത്തിന് അപേക്ഷി ക്കാം. കുടുംബവാര്‍ഷിക വരുമാനം നാലരലക്ഷം രൂപയില്‍ താഴെയുളളവരായ പട്ടികജാതി വിദ്യാര്‍ത്ഥികള്‍ക്ക് 2017 ലെ മെഡിക്കല്‍എഞ്ചിനിയറിംഗ് എന്‍ട്രന്‍സ് പരീക്ഷ പരിശീലനത്തിനാണ് ധനസഹായം നല്‍കുക. കോട്ടയം ജില്ലാ പട്ടികജാതി വികസന ഓഫിസര്‍ക്കാണ് അപേക്ഷ നല്‍കേണ്ടത്.
ജില്ലയില്‍ പദ്ധതിക്കായി തെരഞ്ഞെടുത്ത സ്ഥാപനങ്ങളിലാണ് പരിശീലനം നല്‍കുക. താത്പര്യമുളളവര്‍ എസ്.എസ്.എല്‍.സി സര്‍ട്ടിഫിക്കറ്റ്, ജാതി, വരുമാന സര്‍ട്ടിഫിക്കറ്റുകള്‍ ഗസറ്റഡ് ഓഫിസര്‍ സാക്ഷ്യപ്പെടുത്തിയ പകര്‍പ്പുകളും പ്ലസ് വണ്ണിനു പഠിക്കുന്ന സ്ഥാപനത്തില്‍ നിന്നും പരിശീലനം നേടുന്ന സ്ഥാപനത്തില്‍ നിന്നുമുളള സാക്ഷ്യപത്രവും സഹിതമാണു നിശ്ചിത ഫോറത്തില്‍ അപേക്ഷിക്കേണ്ടത്. കോട്ടയം ജില്ലാ പട്ടികജാതി വികസന ഓഫിസര്‍ക്ക് അപേക്ഷ ഓഗസ്റ്റ് 31 നകം നല്‍കണം. കൂടുതല്‍ വിവരങ്ങള്‍ ജില്ലാ പട്ടികജാതി വികസന ഓഫിസ്‌ബ്ലോക്ക് പട്ടികജാതി വികസന ഓഫിസുകളില്‍ ലഭിക്കും.