കൊച്ചി: ജലപ്രളയത്തെ തുടര്‍ന്ന് പഠനോപകരണങ്ങള്‍ നഷ്ടപ്പെട്ട വിദ്യാര്‍ഥികള്‍ക്കായി കേരള അറബിക് ടീച്ചേഴ്‌സ് ഫെഡറേഷന്‍ എറണാകുളം ജില്ലാ കമ്മിറ്റിയുടെ ആഭിമുഖ്യത്തില്‍ പഠനോപകരണങ്ങള്‍ വിതരണം ചെയ്തു. ആലുവ, അങ്കമാലി ഉപജില്ലകളിലെ തെരഞ്ഞെടുക്കപ്പെട്ട വിദ്യാലയങ്ങള്‍ക്കാണ് പഠനോപകരുന്ന കിറ്റുകള്‍ വിതരണം ചെയ്തത്. ബാഗ്, നോട്ട് ബുക്ക്, സ്ലേറ്റ്, പെന്‍സില്‍, പേന, ബോക്‌സ് എന്നിവയാണ് വിതരണം നടത്തായത്.
ദേശീയ വിദ്യാഭ്യാസ ഉപദേശക സമിതിയംഗം എന്‍.എ സലിം ഫാറൂഖി വിതരണോദ്ഘാടനം നിര്‍വഹിച്ചു. ജില്ലാ പ്രസിഡന്റ് സി.എസ്. സിദ്ദീഖ്, എം.കെ അബൂബക്കര്‍ ഫാറൂഖി, കൊടുവള്ളി അല്‍അസ്ഹര്‍ അല്‍ബിര്‍റ് സ്‌കൂള്‍ ഡയറക്ടര്‍ പി.സി. മുഹമ്മദ് ഇബ്രാഹിം, കെ.എ മാഹിന്‍ ബാഖവി, ഇ.എം അസീസ്, കെ.ഇ പരീത്, സാലിം മേക്കാലടി എന്നിവര്‍ നേതൃത്വം നല്‍കി. ജലപ്രളയത്തില്‍ ദുരിതം അനുഭവിച്ച അധ്യാപകരുടെ ഭവനങ്ങളും ജില്ലാ നേതാക്കള്‍ സന്ദര്‍ശിച്ചു. രണ്ടാം ഘട്ട സഹായ വിതരണത്തിനുള്ള പദ്ധതികള്‍ ആസൂത്രണം ചെയ്തു വരികയാണെന്ന് ജില്ലാ ജനറല്‍ സെക്രട്ടറി മാഹിന്‍ ബാഖവി അറിയിച്ചു.