ഭുവനേശ്വര്‍റായ്പൂര്‍: രണ്ട് വ്യത്യസ്ത ഏറ്റുമുട്ടലുകളില്‍ ഏഴ് മാവോയിസ്റ്റുകളെ സുരക്ഷാ സൈന്യം കൊലപ്പെടുത്തി. ഒഡിഷയിലെ കൊരാപ്പുട്ട് ജില്ലയിലും ഛത്തിസ്ഗഡിലെ ദന്തേവാഡയിലുമാണ് ഏറ്റുമുട്ടലുണ്ടായത്.

കൊരാപ്പുട്ട് ജില്ലയില്‍ പാദുവ പൊലിസ് സ്റ്റേഷന്‍ പരിധിയിലുടെ വനമേഖലയിലാണ് സുരക്ഷാസേനയും മാവോയിസ്റ്റുകളും തമ്മില്‍ ഏറ്റുമുട്ടലുണ്ടായത്. സംഭവത്തില്‍ അഞ്ച് മാവോയിസ്റ്റുകളാണ് കൊല്ലപ്പെട്ടത്. ഇവരില്‍ മൂന്നുപേര്‍ സ്ത്രീകളാണ്.
ഛത്തിസ്ഗഡിലെ ദന്തേവാഡയില്‍ ഉണ്ടായ ഏറ്റുമുട്ടലില്‍ രണ്ടുപേരാണ് മരിച്ചത്. ഇവരില്‍ ഒരാള്‍ സ്ത്രീയാണെന്ന് ദന്തേവാഡ പൊലിസ് സൂപ്രണ്ട് അഭിഷേക് പല്ലവ പറഞ്ഞു.