കോഴിക്കോട്: ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് (കോഴിക്കോട്) കാംപസ് കാനഡയിലെ സ്റ്റാന്‍ഫോര്‍ഡ് യൂനിവേഴ്‌സിറ്റിയുമായി സഹകരിച്ചു പ്രവര്‍ത്തിക്കാന്‍ ധാരണ. എക്‌സിക്യുട്ടീവ് എജ്യുക്കേഷനല്‍ പ്രോഗ്രാം (എ.പി.ജി.പി) യിലാണ് ഇരുസ്ഥാപനങ്ങളും സഹകരിച്ചു പ്രവര്‍ത്തിക്കുക. രണ്ടുവര്‍ഷം നീണ്ടുനില്‍ക്കുന്ന എക്‌സിക്യുട്ടീവ് ഡിപ്ലോമ പ്രോഗ്രാമില്‍ 738 മണിക്കൂറാണ് പഠനകാലയളവ്. പ്രോഗ്രാം പൂര്‍ത്തിയാക്കുന്ന വിദ്യാര്‍ഥികള്‍ക്ക് സ്റ്റാന്‍ഫോര്‍ഡ് യൂനിവേഴ്‌സിറ്റിയുടെ സര്‍ട്ടിഫിക്കറ്റും ലഭിക്കും.