പെരുവള്ളൂര്‍: പ്രളയക്കെടുതിയില്‍ ദുരിതമനുഭവിക്കുന്നവര്‍ക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് പെരുവള്ളൂര്‍ അനശ്വര ക്ലബിന്റെ വക ഒരു ലക്ഷം രൂപ നല്‍കി. ക്ലബ് അംഗങ്ങളില്‍ നിന്നുള്‍പ്പെടെ സമാഹരിച്ച തുക ക്ലബിന്റെ സൂപ്പര്‍ബസാറിലെ പുതിയ ഓഫീസ് ഉദ്ഘാടന വേളയില്‍ തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് കെ. കലാം മാസ്റ്റര്‍ക്ക് കൈമാറി. ഓഫീസിന്റെ ഉദ്ഘാടനം കാലിക്കറ്റ് സര്‍വകലാശാലാ കായിക മേധാവി ഡോ. സക്കീര്‍ ഹുസൈന്‍ നിര്‍വഹിച്ചു.
അഷ്‌റഫ് അഞ്ചാലന്‍ അധ്യക്ഷനായി. പ്രദേശത്തെ സാമൂഹിക സാംസ്‌കാരിക രംഗത്തെ വിശിഷ്ട വ്യക്തികളായ ജൈസല്‍ താനൂര്‍, രാകേഷ് പെരുവള്ളൂര്‍ എന്നിവരെ വേദിയില്‍ ആദരിച്ചു. ഗ്രാമപഞ്ചായത്തംഗം സുനില്‍, കൊറലോട്ടി മജീദ്, അഞ്ചാലന്‍ ഹംസ ഹാജി, എ.സി അബ്ദുറഹിമാന്‍ ഹാജി, വി.വി ലത്തീഫ്, ഫായിസ് സംസാരിച്ചു.