മഞ്ചേരി: മഞ്ചേരി മണ്ഡലത്തിലെ സ്‌കൂളുകള്‍ക്ക് ബസുകള്‍ വിതരണം ചെയ്തു. അഡ്വ.എം.ഉമ്മര്‍ എം.എല്‍.എയുടെ ആസ്തി വികസന ഫണ്ടില്‍ നിന്നും തുക വിനിയോഗിച്ച് മഞ്ചേരി ഗവ.ഗേള്‍സ് ഹയര്‍ സെക്കന്‍ഡറി സ്‌കൂള്‍, എടപ്പറ്റ ഗവ.ഹൈസ്‌ക്കൂള്‍, കാരക്കുന്ന് ഗവ.ഹയര്‍സെക്കന്‍ഡറി സ്‌കൂള്‍, പട്ടിക്കാട് ഗവ.ഹയര്‍ സെക്കന്‍ഡറി സ്‌കൂള്‍ എന്നീ നാല് വിദ്യാലയങ്ങള്‍ക്കാണ് ബസുകള്‍ നല്‍കിയത്. മഞ്ചേരി ഗവ.ഗേള്‍സ് ഹയര്‍ സെക്കന്‍ഡറി സ്‌കൂളില്‍ നടന്ന ചടങ്ങില്‍ അഡ്വ.എം.ഉമ്മര്‍ എം.എല്‍.എ ബസുകളുടെ ഫ്‌ളാഗ് ഓഫ് കര്‍മം നിര്‍വഹിച്ചു.
മഞ്ചേരി നഗരസഭാ ചെയര്‍പേഴ്‌സണ്‍ വി.എം സുബൈദ അധ്യക്ഷയായി. കീഴാറ്റൂര്‍, എടപ്പറ്റ ഗ്രാമ പഞ്ചായത്ത് പ്രസിഡന്റുമാരായ എം.പ്രസീത, ചാലില്‍ ഫാതിമ, നഗരസഭാ വൈസ് ചെയര്‍മാന്‍ വി.പി ഫിറോസ്, സ്ഥിരം സമിതിയധ്യക്ഷന്മാരായ വല്ലാഞ്ചിറ മുഹമ്മദലി, സജ്‌ന അത്തിമണ്ണില്‍, വാര്‍ഡ് കൗണ്‍സിലര്‍ കൃഷ്ണദാസ് രാജ, പി.ടി.എ പ്രസിഡന്റ് സി.പി മുസ്തഫ, സലീം മണ്ണിശ്ശേരി, സി.ഷാഹുല്‍ ഹമീദ്, കെ.പി ജയശ്രീ, പി.എ ബിന്ദേശ്വര്‍, ലത്തീഫ് ബസ്മല, സി.ടി മുഹമ്മദ് ബഷീര്‍ തുടങ്ങിയവര്‍ സംസാരിച്ചു.