ന്യൂഡല്‍ഹി: സുപ്രിംകോടതി വേനല്‍ അവധിക്കാല ബെഞ്ച് നിശ്ചയിച്ചു. വേനലവധിക്കായി ഇന്നലെ മുതല്‍ സുപ്രിംകോടതി അടച്ചതോടെ അടിയന്തര പ്രാധാന്യം ഉള്ള കേസുകള്‍ പരിഗണിക്കുന്നതിനാണ് അവധിക്കാല ബെഞ്ചുകള്‍ നിശ്ചയിക്കുന്നത്.
ജൂലൈ ഒന്നുവരെയാണ് സുപ്രിംകോടതിയുടെ വേനലവധി. ചീഫ് ജസ്റ്റിസ് രഞ്ജന്‍ ഗൊഗോയിയും ഇത്തവണ അവധിക്കാല ബെഞ്ചിന്റെ ഭാഗമാണ്.
ചീഫ് ജസ്റ്റിസ് സാധാരണ അവധിക്കാല ബെഞ്ചില്‍ ഇരിക്കാറില്ല. ഈ മാസം 13 മുതല്‍ 20 വരെ ജസ്റ്റിസ് ഇന്ദിര ബാനര്‍ജി, ജസ്റ്റിസ് സഞ്ജീവ് ഖന്ന, 21 മുതല്‍ 24 വരെ ജസ്റ്റിസ് അരുണ്‍ മിശ്ര, ജസ്റ്റിസ് എം. ആര്‍ ഷാ, 25 മുതല്‍ 30 വരെ ചീഫ് ജസ്റ്റിസ് രഞ്ജന്‍ ഗോഗോയ്, ജസ്റ്റിസ് എം. ആര്‍ ഷാ എന്നിവരെയാണ് അവധിക്കാല ബെഞ്ചിലേക്ക് നിശ്ചയിച്ചിരിക്കുന്നത്.